Ov mövsümünün ilk iki həftəsində 374 qanun pozuntusu aşkarlanıb

Köçəri quşların ov mövsümünün başlanmasından iki həftə ərzində 374 qanun pozuntusu aşkarlanıb. 24News.ge xəbər verir ki, bu barədə Ətraf Mühitin Mühafizəsi və Kənd Təsərrüfatı Nazirliyinin Ekoloji Nəzarət Departamenti məlumat yayıb. Aşkarlanan pozuntuların 50-si qadağan olunmuş silah, üsul və ya vasitələrdən istifadə ilə bağlı olub. 32 halda ovçular köçəri quşların ovlanması üçün nəzərdə tutulan rüsumu ödəməyib, 13 halda şəhər ərazisində qadağan olunmuş yerdə ov edilib. Bir halda isə qadağan olunmuş quş növünün ovlanması aşkarlanıb. Bundan əlavə, iki həftə ərzində ölkə üzrə quşları cəlb etmək üçün istifadə olunan 298 ədəd qadağan olunmuş səs cihazı müsadirə edilib. Departament bildirir ki, ov mövsümü boyunca ölkə üzrə nəzarət tədbirləri daha da gücləndiriləcək. Qanunsuz ovla mübarizə çərçivəsində müasir texnologiyalardan istifadə də artırılacaq. Qeyd edək ki, Gürcüstanda köçəri quşların ov mövsümü avqustun 22-də başlayıb. Vətəndaşlar qanun pozuntuları barədə Ekologiya və Kənd Təsərrüfatı Nazirliyinin 153 qaynar xəttinə ödənişsiz və anonim şəkildə məlumat verə bilərlər.

www.24news.ge

Ov mövsümünün ilk iki həftəsində 374 qanun pozuntusu aşkarlanıb

Digər xəbərlər