Kobaxidze: "Korrupsiyaya qarşı mübarizəni bütün səviyyələrdə davam etdiririk"

Baş nazir İrakli Kobaxidze iqtisadi artımın səbəblərindən birinin hökumətin yüksək səviyyəsində korrupsiyanın aradan qaldırılması olduğunu bildirib. 24News.ge xəbər verir ki, Kobaxidze bu barədə hökumətin iclasında çıxışı zamanı danışıb. Baş nazirin sözlərinə görə, 2026-cı ilin iyulunda Gürcüstan iqtisadiyyatı 8% artıb, ilin ilk yeddi ayında isə iqtisadi artım 7,9% təşkil edib. Rəsmi statistikaya əsasən, iyul ayında artıma əsas töhfəni emal sənayesi, informasiya və kommunikasiya, maliyyə və sığorta, mədənçıxarma, nəqliyyat və anbar təsərrüfatı sahələri verib. Kobaxidze bildirib ki, ölkə iqtisadi artımın yüksək tempini qoruyur və müxtəlif sahələrdə həyata keçirilən islahatlar bu göstəricilərə müsbət təsir göstərir: “İqtisadi artımın göstəricilərini ötən illə müqayisədə yaxşılaşdırmağımızın səbəblərindən biri yüksək səviyyədə korrupsiyanı aradan qaldırmağımızdır. Korrupsiyaya qarşı mübarizəni bütün səviyyələrdə davam etdiririk”, – deyə Baş nazir bildirib.

www.24news.ge

Kobaxidze: "Korrupsiyaya qarşı mübarizəni bütün səviyyələrdə davam etdiririk"

Digər xəbərlər