Keçmiş müdafiə naziri barəsində 10 illik həbs qərarına yenidən baxıla bilər

Keçmiş müdafiə naziri Cuanşer Burçuladze barəsində Müdafiə Nazirliyinə məxsus vəsaitlərin mənimsənilməsi işi üzrə də prosessual razılaşmanın bağlanması ilə bağlı danışıqlar aparılır. 24News.ge xəbər verir ki, bu barədə prokuror Ana Lekiaşvili bildirib. Onun sözlərinə görə, hazırda Burçuladzenin müdafiə tərəfi ilə danışıqlar davam edir, lakin razılaşmanın konkret şərtləri hələ müəyyənləşdirilməyib. Prokuror qeyd edib ki, həmin iş üzrə növbəti məhkəmə prosesi sentyabrın 28-də Apellyasiya Məhkəməsində keçiriləcək. Əgər məhkəmə əvvəlki hökmü qüvvədə saxlayarsa, Cuanşer Burçuladzenin 10 illik həbs cəzası da qüvvədə qalacaq. Qeyd edək ki, Burçuladze daha bir cinayət işi üzrə yeni ittihamla təqsirləndirilib. Xüsusilə külli miqdarda rüşvətin qabaqcadan razılaşdırılmış qrup tərəfindən alınması və rüşvət almağa yardım göstərilməsi ilə bağlı iş üzrə onunla prosessual razılaşma əldə olunub. Bu razılaşmaya əsasən, Burçuladze 5 il müddətinə azadlıqdan məhrum edilib. O, cəzanın 3 ilini həbsdə keçirəcək, 2 il isə şərti hesab olunacaq. Bundan əlavə, ona 1 milyon lari məbləğində cərimə tətbiq edilib. Burçuladzenin 10 il müddətinə azadlıqdan məhrum edildiyi digər iş üzrə isə ona Cinayət Məcəlləsinin qanunsuz gəlirlərin leqallaşdırılması və vəzifə səlahiyyətlərindən sui-istifadə ilə bağlı maddələri üzrə ittiham irəli sürülüb. Məhkəmə onu aprelin 23-də təqsirli bilərək 10 il müddətinə azadlıqdan məhrum edib.

www.24news.ge

Keçmiş müdafiə naziri barəsində 10 illik həbs qərarına yenidən baxıla bilər

Digər xəbərlər