Müxalifət nümayəndələri iqtidar daxilindəki siyasi böhranı şərh ediblər (VİDEO)

Yerli müxalif siyasətçilərin fikrincə, keçmiş Baş nazir İrakli Qaribaşvili və keçmiş müdafiə naziri Cuanşer Burçuladzenin həbs olunması və müxtəlif cinayətlərdə ittiham edilməsi hakim komanda daxilində siyasi gərginliyi daha da artırıb. 24News.ge xəbər portalına müsahibə verən müxalifət nümayəndələrinin sözlərinə görə, hazırda baş verən proseslər diktatura xarakterli siyasi gedişlərdir. Müxalifət nümayəndələri hesab edirlər ki, “Gürcü Arzusu” partiyasının fəxri sədri Bidzina İvanişvili ona qarşı yarana biləcək təhlükələrin qarşısını almaq məqsədilə müxtəlif addımlar atır. Müxalifət nümayəndələrinin bildirdiyinə görə, hazırda davam edən siyasi gərginliyin yaxın zamanda bölgələrə, xüsusilə Kvemo Kartliyə də sirayət edəcəyi və uzun illər müxtəlif vəzifələrdə çalışmış şəxslərə, eləcə də keçmiş məmurlara təsir göstərəcəyi gözlənilir. Qeyd edək ki, İrakli Qaribaşvili və keçmiş müdafiə naziri Cuanşer Burçuladze külli miqdarda qanunsuz gəlirlərin leqallaşdırılmasında ittiham olunublar. Hazırda Qaribaşvili 5 il müddətinə azadlıqdan məhrum edilib və 1 milyon lari məbləğində cərimələnib. Cuanşer Burçuladze də 5 il müddətinə azadlıqdan məhrum edilib. O, cəzanın 3 ilini həbsdə, 2 ilini isə şərti cəza ilə keçirəcək. Bundan əlavə, Burçuladze 1 milyon lari məbləğində cərimə ödəyəcək. Baş verənlər fonunda hökumətin əsas simalarından biri olan Mamuka Mdinaradze isə vəzifəsindən və siyasətdən getdiyini açıqlayıb. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Müxalifət nümayəndələri iqtidar daxilindəki siyasi böhranı şərh ediblər (VİDEO)

Digər xəbərlər