Terror təşkilatlarına dəstək verməkdə axtarılan şəxs Tbilisi hava limanında saxlanılıb (VİDEO)

Hüquq-mühafizə orqanları Tbilisi Beynəlxalq Hava Limanında ABŞ Federal Təhqiqat Bürosu (FBI) tərəfindən terror təşkilatlarının fəaliyyətinə dəstək verməkdə axtarılan şəxsi saxlayıb. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, ABŞ və Özbəkistan vətəndaşı olan kişi xarici terror təşkilatına maddi dəstək göstərmək məqsədilə sui-qəsddə və buna cəhd etməkdə ittiham olunur. Gürcüstan DİN və Baş Prokurorluğunun əməkdaşları ABŞ Dövlət Departamentinin nümayəndələri ilə imzalanmış birgə deklarasiya çərçivəsində FBI ilə sıx ikitərəfli əməkdaşlıq nəticəsində ABŞ hüquq-mühafizə orqanları tərəfindən beynəlxalq axtarışa verilmiş şəxsi saxlayıblar. Məlumata görə, Mərkəzi Kriminal Polis Departamentinin Mütəşəkkil Cinayətkarlığa Qarşı Mübarizə Baş İdarəsinin Axtarış Şöbəsinin əməkdaşları həmin şəxsi başqa bir ölkədən Gürcüstana uçuşla gəldiyi zaman Tbilisi Beynəlxalq Hava Limanında saxlayıblar. ABŞ hüquq-mühafizə orqanlarının məlumatına əsasən, axtarışda olan şəxs ABŞ ərazisində xarici terror təşkilatına dəstək vermək məqsədilə qrup yaradıb. O, eyni məqsədlə maliyyə yardım şəbəkəsi də quraraq ona rəhbərlik edib. Bildirilir ki, qrupun rəhbəri və üzvləri Suriyadakı terror təşkilatlarına, o cümlədən “İŞİD”ə fəal maddi-texniki və maliyyə dəstəyi göstəriblər. Bundan əlavə, saxlanılan şəxsin müxtəlif insanları Suriyada döyüşmək üçün getməyə çağırdığı və onlara bu istiqamətdə yardım təklif etdiyi qeyd olunur. Hazırda saxlanılan şəxsin ABŞ-a ekstradisiyası ilə bağlı qanunvericilikdə nəzərdə tutulan prosedurlar həyata keçirilir.

www.24news.ge

Terror təşkilatlarına dəstək verməkdə axtarılan şəxs Tbilisi hava limanında saxlanılıb (VİDEO)

Digər xəbərlər