Qaribaşvili kəskin bəyanat yayıb: "Bu gündən mənim və ailəmin təhlükəsizliyinə görə bütün məsuliyyət İvanişvilinin üzərinə düşür"

Gürcüstanın keçmiş baş naziri, hazırda həbsdə olan İrakli Qaribaşvili bəyanat yayıb. 24News.ge xəbər verir ki, Qaribaşvili açıqlamasında bildirib ki, bu gündən etibarən onun və ailəsinin təhlükəsizliyinə görə bütün məsuliyyət Gürcüstanın hakim partiyasının fəxri sədri Bidzina İvanişvili və bütövlükdə hakimiyyətin üzərinə düşür. Keçmiş baş nazir qeyd edib ki, sabah məsələ ilə bağlı geniş məktub yayımlayacaq və cəmiyyətə “öz həqiqətini” açıqlayacaq: “Bu məktub mənə Bidzina İvanişvilinin göstərişi ilə göndərilib. Mən bu addımı atmamaq üçün əlimdən gələn hər şeyi sınadım və etdim. Təəssüf ki, ləyaqətimi alçaldan bu şər qarşısında dayanmamaq üçün mənə başqa yol qoymadılar! Bu amansız qəddarlığa, təzyiqə/ədalətsizliyə, mənim və ailəmin məhv edilməsinə yönəlmiş çirkin plana qarşı çıxmalıyam! Sabah geniş məktub yayımlayacağam və cəmiyyətə öz həqiqətimi söyləyəcəyəm! Bu gündən etibarən mənim və ailəmin təhlükəsizliyinə görə bütün məsuliyyət Bidzina İvanişvili və bütün hakimiyyətin üzərinə düşür!” Dito Çubinidze və İrma İnaşvili kimi ‘tərəfdarların’ və sosial şəbəkələrdə təşkil olunan kampaniyaların yaratdığı vəziyyət çox ciddi şübhələr doğurdu və bizə ciddi zərər vurdu. Bir neçə iş üzrə çox intensiv araşdırmalar aparılır və onların ehtimal olunan nəticəsi korrupsiya ittihamları olacaq. Buna görə də bizim iki hərəkət variantımız var: Ciddi şəkildə mübahisə etmək və işi sona qədər davam etdirmək. (İkinci variant bizə kompromis yolu kimi özləri tərəfindən təklif olunub) – hansısa bir işi etiraf etmək (məsuliyyəti öz üzərimizə götürmək), razılaşma əsasında hər şeyin həll olunması, etirafın və şahidlərin ifadələrinin təmin edilməsi və s. Bu halda bizə eyni 5 illik müddətə prosessual razılaşma təklif edirlər. Mənə izah edildiyi kimi, cəzalar bir-birini əvəz edəcək və nəticədə yenə 5 il qalacaq. Həbsdən çıxdıqdan sonra siyasətə yaxınlaşmamalısan. Əgər ‘səni yoldan çıxarmaq qərarına gəlsələr’, etiraf etdiyin korrupsiya ittihamı siyasətə qayıtmağı düşünməməyin üçün sığorta mexanizmi olacaq”, - deyə Qaribaşvili bildirib.

www.24news.ge

Qaribaşvili kəskin bəyanat yayıb: "Bu gündən mənim və ailəmin təhlükəsizliyinə görə bütün məsuliyyət İvanişvilinin üzərinə düşür"

Digər xəbərlər