30 min dollar borc adı ilə tanışını aldadan şəxs saxlanıldı (VİDEO)

Tbilisi Polis Departamentinin İstintaq Baş İdarəsinin Dələduzluğa qarşı Mübarizə İdarəsinin əməkdaşları iri məbləğdə dələduzluq ittihamı ilə bir nəfəri saxlayıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, şübhəli şəxs tanışına 30 min ABŞ dolları borc müqabilində hər ay 1 200 dollar gəlir ödəyəcəyini vəd edib. Razılaşmaya əsasən, müqavilənin müddəti başa çatdıqdan sonra götürdüyü borcu tam şəkildə qaytarmalı olub. Pulun qaytarılmasına zəmanət olaraq isə şübhəli şəxs zərərçəkmişə geri satın alma hüququ ilə torpaq sahəsi satacağını vəd edib. İstintaqla müəyyən edilib ki, şübhəli şəxs zərərçəkmişlə geri satın alma hüququ ilə alqı-satqı müqaviləsi bağlayıb. Lakin müqavilədə göstərilən torpaq sahəsi faktiki olaraq onun mülkiyyətində olmayıb. Bunun əvəzinə zərərçəkmişə dəyəri çox aşağı olan və yerləşdiyi ərazi baxımından istifadəyə yararsız başqa torpaq sahəsi satıb. Üç ay sonra isə şübhəli şəxs nə 30 min ABŞ dollarını geri qaytarıb, nə də razılaşdırılmış aylıq gəliri ödəyib. DİN-in məlumatına görə, bu yolla şübhəli şəxs zərərçəkmişə məxsus 17 640 lari vəsaiti dələduzluq yolu ilə ələ keçirib və ona külli miqdarda maddi ziyan vurub. Kişi məhkəmə qərarı əsasında təqsirləndirilən şəxs qismində saxlanılıb. Faktla bağlı araşdırma Cinayət Məcəlləsinin 180-ci maddəsinin 3-cü hissəsi ilə aparılır. Sözügedən maddə 9 ilədək azadlıqdan məhrumetmə cəzasını nəzərdə tutur.

www.24news.ge

30 min dollar borc adı ilə tanışını aldadan şəxs saxlanıldı (VİDEO)

Digər xəbərlər