Tetritskaroda “Didqoroba 2026” xalq bayramı qeyd olunub (FOTO)

Tetritskaro Munisipalitetinin Didqori çölündə Gürcüstan tarixində mühüm əhəmiyyət daşıyan Didqori döyüşündə qazanılan qələbəyə həsr olunmuş “Didqoroba 2026” xalq bayramı keçirilib. 24News.ge xəbər verir ki, tədbirdə müxtəlif bələdiyyələrin merləri, yerli özünüidarəetmə orqanlarının, ölkənin icraedici və qanunverici hakimiyyətinin, Abxaziya hökumətinin və Müdafiə Qüvvələrinin nümayəndələri iştirak ediblər. Tədbir çərçivəsində Gürcüstan Prezidenti Mixeil Kavelaşvili müxtəlif bələdiyyələr tərəfindən qurulan stendlərlə tanış olub. Prezident Marneuli Munisipalitetinin təqdim etdiyi stendə də baş çəkərək burada nümayiş etdirilən yerli məhsullar və milli kulinariya nümunələri ilə tanış olub. Mixeil Kavelaşvili tədbir iştirakçılarına müraciət edərək “Didqoroba” bayramı münasibətilə onları təbrik edib. Vitse-baş nazir, müdafiə naziri İrakli Çikovani isə Gürcüstan Müdafiə Qüvvələrinin yeddi hərbi qulluqçusunu “Didqori xaçı” medalı ilə təltif edib. Bayram tədbiri çərçivəsində Gürcüstanın dövlət himni səsləndirilib, folklor və xoreoqrafik ansamblların ifasında musiqi və rəqs nömrələri təqdim olunub. “Didqoroba 2026” tədbirində Kvemo Kartli üzrə dövlət nümayəndəsi İlia Calağaniya, Marneuli meri Daur İsmayılov və onun müavinləri, Marneuli Munisipaliteti Sakrebulosunun sədri Amiran Qiorqadze, eləcə də digər rəsmi şəxslər iştirak ediblər.

www.24news.ge

Tetritskaroda “Didqoroba 2026” xalq bayramı qeyd olunub (FOTO)

Digər xəbərlər