Şərqi Zəngəzurda “Dirçələn şəhərlər” şüarı ilə Diaspor Gənclərinin VII Yay Düşərgəsi baş tutub (VİDEO)

Azərbaycan Respublikasının Diasporla İş üzrə Dövlət Komitəsi və Heydər Əliyev Fondunun birgə təşkilatçılığı ilə Şərqi Zəngəzurda “Dirçələn şəhərlər” şüarı altında keçirilən Diaspor Gənclərinin VII Yay Düşərgəsi başa çatıb. Avqustun 2-dən 8-dək davam edən düşərgədə dünyanın 64 ölkəsindən 123 gənc, o cümlədən Gürcüstandan olan iştirakçılar yer alıb. Layihə çərçivəsində gənclər Qarabağın müxtəlif şəhərlərinə səfər edərək işğaldan azad olunmuş ərazilərdə aparılan bərpa və yenidənqurma işləri ilə tanış olublar. Həmçinin panel müzakirələri, görüşlər, təlimlər, ekskursiyalar və müxtəlif əyləncə proqramları təşkil edilib. Düşərgə iştirakçıları təəssüratlarını 24News.ge xəbər portalı ilə bölüşərək layihənin uzun illər davam etməsini arzuladıqlarını bildiriblər. Bağlanış mərasimində Diasporla İş üzrə Dövlət Komitəsinin sədri Fuad Muradov iştirak edib. Komitə sədrinin müavini və düşərgənin Təşkilat Komitəsinin sədri Elşad Əliyev yay düşərgələrinin xaricdə yaşayan gənclərlə bağlı mühüm və nəticəyönümlü layihə olduğunu vurğulayıb. Tədbirin sonunda diaspor könüllülərinə sertifikatlar, futbol yarışının və intellektual oyunların qaliblərinə isə hədiyyələr təqdim olunub. Qeyd edək ki, əvvəlki yay düşərgələri Şəki, Şamaxı, Şuşa, Naxçıvan, Laçın və Xankəndidə keçirilib. Bu layihələrdə ümumilikdə 84 ölkədən 700-dən çox gənc iştirak edib. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Şərqi Zəngəzurda “Dirçələn şəhərlər” şüarı ilə Diaspor Gənclərinin VII Yay Düşərgəsi baş tutub (VİDEO)

Digər xəbərlər