NATO nümayəndəsi: "Rusiya Gürcüstan ərazisindən işğalçı qüvvələrini çıxarmalıdır"

“18 il əvvəl Rusiya Gürcüstana müdaxilə etdi. Bu hücum və Rusiyanın sonradan Gürcüstan ərazisini işğal etməsi bu gün də 2008-ci ildə olduğu kimi qanunsuz və qəbuledilməzdir”. 24News.ge xəbər verir ki, bunu NATO-nun Qafqaz və Mərkəzi Asiya üzrə baş katibinin xüsusi nümayəndəsi Kevin Hamilton sosial şəbəkədə paylaşdığı postda bildirib. Onun sözlərinə görə, Gürcüstan onilliklərdir NATO-nun ən yaxın tərəfdaşlarından biridir və bu tərəfdaşlıq bu gün də davam edir: “NATO Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü qətiyyətlə dəstəkləyir. Rusiya öz işğalçı qüvvələrini Gürcüstan ərazisindən çıxarmalıdır. Gürcüstanla bizim tərəfdaşlığımız həmişə olduğu kimi güclüdür – praktiki əməkdaşlığa əsaslanır, dayanıqlılıq və sabitliyə sadiqliklə şərtlənir və qətiyyətlə gələcəyə yönəlib”, – deyə Hamilton bildirib.

www.24news.ge

NATO nümayəndəsi: "Rusiya Gürcüstan ərazisindən işğalçı qüvvələrini çıxarmalıdır"

Digər xəbərlər