Gürcüstan və Türkiyə polis əməkdaşlığını müzakirə edib (FOTO)

Gürcüstan daxili işlər nazirinin birinci müavini Roni Mesx Türkiyənin Daxili İşlər Nazirliyinin Milli Polis İdarəsinin ölkədə işgüzar səfərdə olan nümayəndə heyətinin üzvləri ilə görüş keçirib. 24News.ge xəbər verir ki, nümayəndə heyətinə Türkiyənin Qaçaqmalçılıq və Mütəşəkkil Cinayətkarlığa Qarşı Mübarizə Departamentinin rəhbəri Serdar Büyükleblebici rəhbərlik edib. Daxili İşlər Nazirliyinin məlumatına görə, görüş zamanı iki ölkənin hüquq-mühafizə orqanları arasında mövcud əməkdaşlıq və prioritet istiqamətlər müzakirə olunub. Cinayətkarlıqla effektiv mübarizə prosesində birgə səylərlə əlaqələndirilmiş fəaliyyətin əhəmiyyəti vurğulanıb. Tərəflər həmçinin hüquq-mühafizə sahəsində hər iki tərəf üçün mühüm olan məsələləri müzakirə edib və gələcək birgə fəaliyyətləri planlaşdırıblar. Görüşdə əməkdaşlığın daha da intensivləşdirilməsinə hazır olduqları bildirilib. Görüşdə Mərkəzi Kriminal Polis, Patrul Polisi, Acara Polisi və Beynəlxalq Münasibətlər departamentlərinin rəhbərləri, həmçinin Gürcüstanın Türkiyədəki polis attaşesi də iştirak edib. Səfər çərçivəsində keçirilən görüşün sonunda nümayəndə heyətinin rəhbəri səmərəli görüşə və göstərilən səmimi qonaqpərvərliyə görə Gürcüstan tərəfinə təşəkkür edib.

www.24news.ge

Gürcüstan və Türkiyə polis əməkdaşlığını müzakirə edib (FOTO)

Digər xəbərlər