Azərbaycan və Gürcüstan arasında yükdaşımalardakı çətinliklərin səbəbi açıqlanıb

Gürcüstan qanunvericiliyinə əsasən, Azərbaycan daşıyıcının apardığı yükün xarakterinə uyğun olaraq, yoxlama prosesi laboratoriya rejimində aparılır, bu da nəqliyyat vasitələrinin gecikməsinə səbəb olur. 24News.ge xəbər verir ki, bu barədə "Azərbaycan Beynəlxalq Avtomobil Daşıyıcıları Assosiasiyası"ndan (ABADA) bildirilib. Məlumata əsasən, son günlər Azərbaycan ilə Gürcüstan arasında beynəlxalq avtomobil daşımaları sahəsində bir sıra çətinliklərin olması barədə xəbərlər yayılıb. Məlumatda deyilir: "ABADA tərəfindən Gürcüstan istiqamətində fəaliyyət göstərən daşıyıcılardan bu barədə şifahi sorğu aparılıb. Sorğunun nəticəsinə əsasən, belə bir halın kütləvi xarakter daşımadığı müəyyən olunub. Daşımalar normal şəraitdə həyata keçirilir". Bildirilib ki, məsələ ilə bağlı, aidiyyəti dövlət qurumları zəruri tədbirləri həyata keçirirlər və bu barədə əlavə məlumat veriləcək. Qeyd edək ki, Gürcüstan Gəlirlər Xidməti Azərbaycan qeydiyyatlı yük avtomobillərinin sürücülərinin gömrük-keçid məntəqələrində saxlanılması ilə bağlı yayılan məlumatlara münasibət bildirib. Qurumdan verilən açıqlamada qeyd olunub ki, bütün sərhəd-keçid məntəqələri istiqamətində yüklərin hərəkəti maneəsiz həyata keçirilir və qeyd olunan məsələ araşdırılır.

www.24news.ge

Azərbaycan və Gürcüstan arasında yükdaşımalardakı çətinliklərin səbəbi açıqlanıb

Digər xəbərlər