İşğal altındakı Abxaziyada yanacaq böhranı: Suxumidə kilometrlərlə növbələr yaranıb

İşğal altındakı Abxaziyada yanacaq qıtlığı yaşanır. Suxumi və digər şəhərlərdə sakinlər və turistlər yanacaq doldurmaq üçün saatlarla növbə gözləyirlər. 24News.ge xəbər verir ki, bu barədə “Demokratiya Araşdırmaları İnstitutu” məlumat yayıb. İnstitutun məlumatında bildirilir ki, mövcud vəziyyət Rusiyanın daxili iqtisadi və logistika problemlərinin işğal altındakı regiona nə dərəcədə ciddi təsir etdiyini bir daha göstərir. Eyni zamanda, özəl yanacaqdoldurma məntəqələrində qiymətlər kəskin artıb və əhalinin böyük hissəsi üçün yanacaq faktiki olaraq əlçatmaz olub. Mövcud vəziyyət Abxaziya iqtisadiyyatının Rusiyadan nə dərəcədə asılı olduğunu və Rusiyanın daxili iqtisadi və logistika problemlərinin işğal olunmuş regiona nə qədər ağır təsir etdiyini bir daha göstərir. Məlumatda bildirilir ki, Rusiyanın Ukraynaya qarşı başlatdığı genişmiqyaslı müharibədən sonra Qərbin sanksiyaları, eləcə də Ukraynanın neft emalı zavodlarına və logistika mərkəzlərinə həyata keçirdiyi dron hücumları yanacaq bazarında ciddi qıtlığa və qiymət artımına səbəb olub. Bu şəraitdə tamamilə Rusiyadan yanacaq tədarükündən asılı olan işğal altındakı Abxaziya xüsusilə həssas vəziyyətə düşüb. Hazırda “Rosneft”in yanacaqdoldurma məntəqələrində yanacaq nisbətən ucuzdur. Buna görə də həmin məntəqələrdə kilometrlərlə növbələr yaranıb və hər avtomobilə maksimum 20 litr yanacaq doldurulmasına icazə verilir. Özəl yanacaqdoldurma məntəqələrində isə yanacaq daha bahadır və qiymət 100 rubla çatır. Bu səbəbdən əhalinin əhəmiyyətli hissəsi saatlarla növbədə gözləmək məcburiyyətində qalır. De-fakto hakimiyyət əlavə yanacaq partiyalarının gətiriləcəyi barədə məlumat yayılsa da, mövcud tədarük həcmi turist mövsümü şəraitində böhranın aradan qaldırılması üçün kifayət etmir. Yanacaq böhranı bir daha göstərir ki, Rusiyanın işğal etdiyi Abxaziyanın iqtisadi asılılığı regionu xüsusilə həssas vəziyyətə salır. Rusiya iqtisadiyyatında, o cümlədən Ukraynaya qarşı davam edən müharibə nəticəsində yaranan problemlər Abxaziya əhalisinin gündəlik həyatına birbaşa təsir edir. Bu, yanacaq qıtlığı, qiymət artımı və əhalinin sosial vəziyyətinin pisləşməsi ilə özünü göstərir.

www.24news.ge

İşğal altındakı Abxaziyada yanacaq böhranı: Suxumidə kilometrlərlə növbələr yaranıb

Digər xəbərlər