Tramp İran və Ukrayna ilə bağlı açıqlamalar verib

ABŞ Prezidenti Donald Tramp İranla münaqişənin yaxın zamanda başa çata biləcəyini bildirib. 24News.ge xəbər verir ki, Tramp Tehranla danışıqların davam etdiyini və tərəflər arasında razılaşmanın yaxın zamanda əldə oluna biləcəyini deyib. Onun sözlərinə görə, İran müharibəni uzun müddət davam etdirə bilməyəcək. ABŞ Prezidenti İranın nüvə silahına sahib olmasına yol verilməməsinin dünya təhlükəsizliyi baxımından vacib olduğunu vurğulayıb. O, müharibə başa çatdıqdan sonra neft və yanacaq qiymətlərinin də aşağı düşəcəyini bildirib. Tramp Hörmüz boğazı ilə bağlı təhlükələrin hələ də mövcud olduğunu qeyd edib. O, həmçinin ABŞ-ın bəzi sursat növləri üzrə ehtiyatlarının daha məhdud olduğunu, lakin digər silah növləri üzrə kifayət qədər imkanların qaldığını söyləyib. ABŞ Prezidenti ölkənin mümkün yeni münaqişələrə hazır olması üçün silah ehtiyatlarının artırılmasının vacibliyini də qeyd edib. Tramp Ukraynaya Patriot sistemləri və uzaqmənzilli raketlərin göndərilməsi məsələsinə də toxunub. O, ABŞ-ın özünün də raketlərə ehtiyacı olduğunu bildirib və əvvəlki administrasiyanın Ukraynaya böyük həcmdə sursat verdiyini qeyd edib. Rusiya-Ukrayna müharibəsinə münasibət bildirən Tramp ABŞ-ın münaqişədə birbaşa iştirak etmədiyini deyib. O, həmçinin hər ay təxminən 25 min insanın, əsasən hərbçilərin həlak olduğunu bildirib və itkilərin sayından narahatlığını ifadə edib.

www.24news.ge

Tramp İran və Ukrayna ilə bağlı açıqlamalar verib

Digər xəbərlər