Polşa xarici işlər naziri Vladimir Putinə: "Biz nə planlaşdırdığınızı bilirik, bunu etməyin"

Polşanın xarici işlər naziri Radoslav Sikorski bildirib ki, Rusiya uzun illərdir ölkəsinə qarşı hibrid müharibə aparır. 24News.ge xəbər verir ki, nazirin sözlərinə görə, Qərb əvvəllər bunu qəbul etməsə də, hazırda demək olar ki, hamı bu reallığı etiraf edir. “Rusiya illərdir bizə qarşı hibrid müharibə aparır. Qərb bunu qəbul etmirdi, amma düşünürəm ki, indi hamımız bunu etiraf edirik”, – deyə Sikorski bildirib. Nazir qeyd edib ki, Rusiyanın fəaliyyəti qəsdən törədilən yanğınlar, qətllər, Polşanın daxili siyasətinə müdaxilə, genişmiqyaslı dezinformasiya kampaniyaları və dövlət terrorizmini əhatə edir. Sikorski bu açıqlamanı CNN telekanalının yaydığı məlumatı şərh edərkən səsləndirib. Məlumata görə, ABŞ Polşanı xəbərdar edib ki, Rusiya Prezidenti Vladimir Putin Avropaya qarşı məhdud miqyaslı hücum – dronlar və ya digər hibrid müharibə üsullarından istifadə etməklə – həyata keçirmək barədə qərar verə bilər. “Nə planlaşdırırsınızsa, bizim Vladimir Putinə mesajımız budur: nə etmək istədiyinizi bilirik. Bunu etməyin”, – deyə Polşa Xarici İşlər Nazirliyinin rəhbəri vurğulayıb.

www.24news.ge

Polşa xarici işlər naziri Vladimir Putinə: "Biz nə planlaşdırdığınızı bilirik, bunu etməyin"

Digər xəbərlər