"Tramp administrasiyası İranla yeni qarşıdurmaya və Hörmüz boğazı uğrunda mübarizəyə hazırlaşır" - Axios

Donald Tramp administrasiyası İranla yeni qarşıdurmaya və Hörmüz boğazı uğrunda mübarizəyə hazırlaşır . 24News.ge xəbər verir ki, bu barədə ABŞ hökümətinə yaxın Axios portalı yüksək vəzifəli Amerika rəsmilərinə istinadən məlumat yayıb. Nəşrin məlumatına görə, ABŞ prezidenti Donald Trampın administrasiyası Hörmüz boğazı üzərində İranla yeni qarşıdurmanın bir neçə gün və ya həftə davam edəcəyi ssenariyə hazırlaşır. Amerika rəsmilərinin fikrincə, ABŞ-ın yeni hərbi kampaniyasının müddəti və intensivliyi tamamilə İranın növbəti addımlarından asılıdır. Yüksək vəzifəli bir Amerika rəsmisi nəşrə bildirib ki, hazırkı eskalasiya bir-iki gün, yaxud bir neçə həftə və ya ay davam edə bilər ki, bu da İranın Hörmüz boğazında ticarət gəmilərinə hücum etməyə davam edib-etməməsindən asılıdır. Nəşr yazır ki, ABŞ ilə İran arasında diplomatik danışıqlar hazırda çıxılmaz vəziyyətdədir və hərbi təzyiq yenidən Donald Trampın strategiyasının mərkəzi hissəsinə çevrilib.

www.24news.ge

"Tramp administrasiyası İranla yeni qarşıdurmaya və Hörmüz boğazı uğrunda mübarizəyə hazırlaşır" - Axios

Digər xəbərlər