Prezident Mixeil Kavelaşvili Tehrana səfəri barədə paylaşım edib (VİDEO)

İran İslam Respublikasına səfər edən Prezident Mixeil Kavelaşvili İranın mərhum keçmiş ali dini lideri Ayətullah Seyid Əli Xameneinin vida mərasimində iştirak edib. 24News.ge xəbər verir ki, Kavelaşvili sosial media hesabında Tehrana səfəri barədə paylaşım edib. Prezident sosial mediada yazıb: "Tehrana səfərim çərçivəsində regionun və dünyanın müxtəlif ölkələrinin liderləri ilə birlikdə Ayətullah Əli Xameneinin dəfn mərasimində iştirak etdim. Prezident Məsud Pezeşkianla görüşdə bir daha İranda baş verən faciəli hadisələrlə bağlı başsağlığı verdim və mərhumun xatirəsini ehtiramla yad etdim. Görüş zamanı qeyd etdim ki, Gürcüstan regionda sülhə, sabitliyə və gərginliyin azaldılmasına yönəlmiş bütün səyləri dəstəkləyir. Ölkələrimiz arasındakı münasibətlər milli maraqlara hörmət və nəzərə alınma əsasında qurulub. Mən Prezident Pezeşkiana Gürcüstanın suverenliyinə və ərazi bütövlüyünə verdiyi dəstəyə görə təşəkkür etdim. Əminəm ki, mehriban qonşuluğa əsaslanan əməkdaşlıq ölkələrimiz arasında münasibətlərin inkişafına və regionumuzun sabit və dinc gələcəyinə töhfə verməyə davam edəcək".

www.24news.ge

Prezident Mixeil Kavelaşvili Tehrana səfəri barədə paylaşım edib (VİDEO)

Digər xəbərlər