Xidmət sektoru bahalaşır, ərzaq, geyim ucuzlaşır: Gürcüstanda son statistika

2026-cı ilin iyun ayında ölkədə aylıq inflyasiya 0,1 faiz, illik inflyasiya isə 5,8 faiz təşkil edib. 24News.ge xəbər verir ki, bu barədə Milli Statistika Xidmətinin (Sakstat) açıqladığı məlumatda qeyd olunub. Məlumata əsasən, baza inflyasiyası ötən ilin eyni dövrü ilə müqayisədə 3,5 faiz olub. Tütün məhsulları nəzərə alınmadan hesablanan illik baza inflyasiyası isə 3,2 faiz səviyyəsində qeydə alınıb. Hesabata görə, iyun ayında aylıq inflyasiyanın formalaşmasına əsas təsir göstərən sahələrdən biri mehmanxana, kafe və restoranlar qrupu olub. Bu kateqoriyada qiymətlər 2,1 faiz artıb. Gecələmə xidmətləri 4,1 faiz, ictimai iaşə xidmətləri isə 1,7 faiz bahalaşıb. Nəqliyyat sektorunda qiymətlər 0,6 faiz yüksəlib. Artım əsasən nəqliyyat xidmətləri (2,9 faiz) və şəxsi nəqliyyat vasitələrinin istismarı (0,2 faiz) ilə bağlı olub. Geyim və ayaqqabı qrupunda isə qiymətlər 2,3 faiz azalıb. Geyim 3,1 faiz, ayaqqabı isə 0,6 faiz ucuzlaşıb. Ərzaq və alkoqolsuz içkilər kateqoriyasında qiymətlər orta hesabla 0,1 faiz aşağı düşüb. Süd, pendir və yumurta 1,5 faiz, şəkər və şirniyyat məhsulları 1,3 faiz, tərəvəz və bostan məhsulları 1,1 faiz, qəhvə, çay və kakao isə 0,7 faiz ucuzlaşıb. Bununla yanaşı, meyvə və üzümün qiyməti 3,3 faiz, balıq məhsulları 1,5 faiz, ət və ət məhsulları 0,5 faiz, çörək və çörək məhsulları, eləcə də mineral və bulaq suları, alkoqolsuz içkilər və təbii şirələr isə 0,1 faiz bahalaşıb.

www.24news.ge

Xidmət sektoru bahalaşır, ərzaq, geyim ucuzlaşır: Gürcüstanda son statistika

Digər xəbərlər