Tehranda Kavelaşvili Pezeşkianla bir araya gəlib (FOTO)

Gürcüstan Prezidenti Mixeil Kavelaşvili Tehranda İran Prezidenti Məsud Pezeşkian ilə görüş keçirib. 24News.ge xəbər verir ki, bu barədə Gürcüstan Prezident Administrasiyası məlumat yayıb. Məlumata görə, görüş zamanı Mixeil Kavelaşvili İranda baş vermiş faciəli hadisələrlə əlaqədar bir daha başsağlığı verib və həlak olanların xatirəsini yad edib. Tərəflər Gürcüstan və İran arasında mövcud mehriban qonşuluq münasibətlərini, ikitərəfli əməkdaşlığın gündəliyində duran məsələləri, eləcə də regionda sülh və sabitliyin təmin edilməsinin əhəmiyyətini müzakirə ediblər. Görüşdə iki ölkə arasında əməkdaşlığın qarşılıqlı hörmətə, suverenliyə və milli maraqların nəzərə alınmasına əsaslandığı vurğulanıb. Gürcüstan Prezidenti İran tərəfinə ölkəsinin suverenliyi və ərazi bütövlüyünə verdiyi dəstəyə görə təşəkkür edib. Qeyd edək ki, Tehrana səfəri çərçivəsində Mixeil Kavelaşvili bu gün İranın ali dini lideri Ayətullah Əli Xameneinin vida mərasimində iştirak edəcək.

www.24news.ge

Tehranda Kavelaşvili Pezeşkianla bir araya gəlib (FOTO)

Digər xəbərlər