Türkiyəyə işləməyə aparıldığı iddia edilən Kəpənəkçi sakini yoxa çıxıb (VİDEO)

Bolnisi bələdiyyəsinin Kəpənəkçi kənd sakini, 47 yaşlı Elman İsayev artıq bir aya yaxındır ki, evdən çıxıb və geri qayıtmayıb. Onun valideynlərinin 24News.ge xəbər portalına verdikləri məlumata görə, oğullarını həmkəndliləri Nadir Mirzəliyev Türkiyəyə işləmək adı ilə aparıb. Valideynlərin sözlərinə görə, mayın 7-də oğlu ilə birlikdə Türkiyə sərhədini keçən Nadir Mirzəliyev iki gün sonra geri qayıdıb. Lakin həmin vaxtdan etibarən Elman İsayevdən heç bir xəbər yoxdur. Elman İsayevin valideynləri övladlarına qarşı Nadir Mirzəliyev tərəfindən hər hansı addım atıldığından şübhələndiklərini və bununla bağlı polisə müraciət etdiklərini bildirirlər. Elman İsayevin yaxınlarının sözlərinə görə, hüquq-mühafizə orqanları onların mayın 7-də birlikdə sərhəd-keçid məntəqəsindən Türkiyəyə keçdiklərini təsdiqləsələr də, məsələyə ciddi yanaşmırlar. Xəbər portalımızın əməkdaşları məsələ ilə bağlı Nadir Mirzəliyevlə və Daxili İşlər Nazirliyi ilə də əlaqə saxlayıblar. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Türkiyəyə işləməyə aparıldığı iddia edilən Kəpənəkçi sakini yoxa çıxıb (VİDEO)

Digər xəbərlər