Tbilisi–Qırmızı Körpü avtomobil yolunun tikintisi üçün şirkətə məxsus torpaq sahəsi məcburi alınacaq

Beynəlxalq əhəmiyyətli Tbilisi–Qırmızı Körpü avtomobil yolunun Tbilisi–Rustavi ikinci hissəsinin tikintisi çərçivəsində “GM Pharmaceuticals” MMC-yə məxsus torpaq sahəsinin və üzərində yerləşən tikililərin ekspropriasiyası həyata keçiriləcək. 24News.ge xəbər verir ki, bu barədə Gürcüstanın iqtisadiyyat və davamlı inkişaf naziri Mariam Kvrivişvilinin imzaladığı sərəncamda qeyd olunub. Sənədə əsasən, Tbilisinin Rustavi şossesində yerləşən və şirkətə məxsus 151 117 kvadratmetrlik qeyri-kənd təsərrüfatı təyinatlı torpaq sahəsinin 14 031 kvadratmetrlik hissəsi, eləcə də həmin ərazidə yerləşən bina və qurğular yol tikintisi layihəsinin təsir zonasına düşür. Layihəni həyata keçirən Bələdiyyə İnkişaf Fondu ilə şirkət arasında sözügedən əmlakın könüllü qaydada satın alınması ilə bağlı aparılan danışıqlar nəticə vermədiyi üçün fonda ekspropriasiya hüququ verilib. İqtisadiyyat və Davamlı İnkişaf Nazirliyi Tbilisi–Rustavi avtomobil yolunun ikinci hissəsinin tikintisini zəruri ictimai ehtiyac daşıyan layihə kimi qiymətləndirib və bunun əsasında mülkiyyətin məcburi qaydada alınmasına icazə verib. Qeyd edək ki, ekspropriasiya barədə qərardan narazı olan tərəf qərarla tanış olduqdan sonra bir ay müddətində məhkəməyə müraciət edə bilər.

www.24news.ge

Tbilisi–Qırmızı Körpü avtomobil yolunun tikintisi üçün şirkətə məxsus torpaq sahəsi məcburi alınacaq

Digər xəbərlər