7 yaşlı övladını qətlə yetirən Svetlana Əhmədovaya psixiatrik ekspertiza təyin ediləcək (VİDEO)

Prokurorluq Bolnisi bələdiyyəsinin Dəmirli kəndində azyaşlı övladının qəsdən öldürülməsi faktı ilə bağlı Svetlana Əhmədovaya rəsmi ittiham irəli sürüb. 24News.ge xəbər verir ki, qurumun məlumatına görə, təqsirləndirilən şəxsə Cinayət Məcəlləsinin 11 prima, 109-cu maddəsinin “e” və “k” bəndləri ilə – azyaşlı ailə üzvünə qarşı ağırlaşdırıcı hallarda qəsdən adam öldürmə ittihamı verilib. Bu maddə üzrə 20 ilədək və ya ömürlük azadlıqdan məhrumetmə cəzası nəzərdə tutulur. Prokurorluq bildirib ki, cinayət işi üzrə aparılan istintaq çərçivəsində təqsirləndirilən şəxsin psixi vəziyyətinin müəyyənləşdirilməsi məqsədilə psixiatrik ekspertiza təyin ediləcək. Həmçinin prokurorluq şübhəli şəxs barəsində həbs qətimkan tədbirinin seçilməsi üçün qanunvericilikdə nəzərdə tutulan müddətdə məhkəməyə müraciət edəcək. İstintaqın məlumatına əsasən, mayın 31-də Bolnisi bələdiyyəsinin kəndlərindən birində təqsirləndirilən şəxs 7 yaşlı övladına iti alətlə həyatı üçün təhlükəli ağır xəsarətlər yetirib. Azyaşlı zərərçəkən tibbi yardım göstərildiyi vaxt xəstəxanada vəfat edib. Hüquq-mühafizə orqanlarının əməkdaşları şübhəli şəxsi iyunun 1-də saxlayıblar.

www.24news.ge

7 yaşlı övladını qətlə yetirən Svetlana Əhmədovaya psixiatrik ekspertiza təyin ediləcək (VİDEO)

Digər xəbərlər