Rustavidə çobanların aksiyası zamanı polislə qarşıdurma yaşanıb (VİDEO)

Rustavidə heyvandarlıqla məşğul olan şəxslərin keçirdiyi aksiya artıq ikinci gündür davam edir. Çobanlar və mal-qara sahibləri sürülərin dağlara aparılması üçün xüsusi köç yollarının ayrılmasını tələb edirlər. 24News.ge xəbər portalına müsahibə verən çobanlar bildirirlər ki, onlar hər mövsüm heyvanları yaylaqlara aparırlar, lakin uyğun marşrutların olmaması ciddi maneələr yaradır. İddialara görə, mal-qara və qoyunların keçdiyi yollar tamamilə özəlləşdirilib və torpaq sahibləri sürülərin keçidi üçün ödəniş tələb edirlər. Çobanların sözlərinə əsasən, bəzi torpaq sahibləri bir qoyun sürüsünün keçməsi üçün 500–1000 lari məbləğində ödəniş istəyirlər. Bu gün, mayın 21-də çobanlar və mal-qara sahibləri Rustavidə avtomobil bazarının yaxınlığında yenidən toplaşıblar. Bildirilir ki, ərazidə bir neçə qoyun sürüsü saxlanılıb. Aksiya iştirakçıları dövlət qurumlarından müdaxilə və sürülərin keçidi üçün xüsusi yolun ayrılmasını tələb edirlər. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Rustavidə çobanların aksiyası zamanı polislə qarşıdurma yaşanıb (VİDEO)

Digər xəbərlər