Poniçalada şair Dəryayi Nura həsr olunmuş xatirə gecəsi keçirilib (VİDEO)

Tbilisinin Poniçala qəsəbəsində, Soğanlıq Xeyriyyə Cəmiyyətinin təşəbbüsü və təşkilatçılığı ilə şair Dəryeyi Nurun xatirəsinə həsr olunmuş gecə keçirilib. 24News.ge xəbər verir ki, tədbirdə Azərbaycanın müxtəlif bölgələrindən gələn şairlər, ziyalılar, aşıqlar və ictimaiyyət nümayəndələri iştirak ediblər. Tədbiri giriş sözü ilə Hacı Vidadi Qurbanov açıb. Daha sonra söz Azərbaycan Yazıçılar Birliyinin üzvü Əli Abbasa verilib. Çıxış edənlər Dəryeyi Nurun həyat və yaradıcılığı barədə iştirakçılara məlumat veriblər. Bildirilib ki, şairin yaradıcılığında xalq, millət və Vətən sevgisi, milli-mənəvi dəyərlər mühüm yer tutur. Tədbir zamanı şairin şeirlərinə bəstələnmiş mahnılar da ifa olunub. Sonda Soğanlıq Xeyriyyə Cəmiyyəti tərəfindən Soğanlıq elinin tanınmış şəxsiyyətlərinin xatirəsinə həsr olunmuş bu cür tədbirlərin və xatirə gecələrinin mütəmadi olaraq keçirilməsinin nəzərdə tutulduğu bildirilib.

www.24news.ge

Poniçalada şair Dəryayi Nura həsr olunmuş xatirə gecəsi keçirilib (VİDEO)

Digər xəbərlər