Gürcüstan və Çin arasında bir sıra memorandumlar imzalanıb (FOTO)

Çin Xalq Respublikasına Gürcüstan hökumətinin nümayəndə heyətinin səfəri çərçivəsində Baş Nazir İrakli Kobaxidze ilə Çin Baş Naziri Li Çyan arasında genişləndirilmiş görüş keçirilib. 24News.ge xəbər verir ki, görüş zamanı ölkələr arasında ticarət-iqtisadi və xalqlararası əlaqələrin gücləndirilməsi məqsədilə bir neçə memorandum imzalanıb. Gürcüstanın İqtisadiyyat və Davamlı İnkişaf naziri Mariam Kvrişvili bildirib ki, memorandumlar iki ölkə arasında ticarət və investisiya sahəsində əməkdaşlığı daha da möhkəmləndirəcək. Sənədlər arasında azad ticarət sazişinin yenilənməsi üzrə anlaşma, kənd təsərrüfatı məhsullarının ixracının təşviqi və investisiyaların cəlb edilməsi planları yer alıb. Həmçinin, “Hava İpək Yolu”nun inkişafına dair aviasiya sahəsində memorandum da imzalanıb. Bu saziş ölkələr arasında birbaşa uçuşların artırılmasına töhfə verəcək. Süni intellekt sahəsində əməkdaşlığın gücləndirilməsi üçün də Gürcüstanın İqtisadiyyat və Davamlı İnkişaf Nazirliyi ilə Çin Milli İnkişaf və İslahatlar Komissiyası arasında anlaşma memorandumuna imza atılıb.

www.24news.ge

Gürcüstan və Çin arasında bir sıra memorandumlar imzalanıb (FOTO)

Digər xəbərlər