Zol-Güvəc sakinləri təhlükə ilə üz-üzədirlər: Təcili tədbirlərin görülməsini tələb edirlər (VİDEO)

Bolnisi bələdiyyəsinin Zol-Güvəc kənd sakinləri yaşayış məntəqəsindən keçən RMG şirkətinə məxsus ağır tonnajlı yük avtomobillərinin hərəkətindən şikayətlənirlər. 24News.ge xəbər portalına məlumat verən sakinlər ağır tonnajlı avtomobillərin fasiləsiz və nəzarətsiz hərəkətinin həm təhlükəsizlik, həm də ekoloji baxımdan müxtəlif risklərə səbəb olduğunu bildirirlər. Kənd sakini Rafis Ramazanov bildirib ki, xüsusilə azyaşlı uşaqların təhlükəsizliyinə heç bir zəmanət yoxdur. Onların sözlərinə görə, ağır texnikanın kənd ərazisində intensiv hərəkəti uşaqların məktəbə gedib-gəlməsi zamanı ciddi təhlükə yaradır. Onlar bildirirlər ki, havada yaranan toz uşaqların və yaşlı insanların gündəlik həyatına mənfi təsir göstərir. Kənd sakinləri aidiyyəti qurumlardan ağır tonnajlı avtomobillərin yaşayış zonasından keçməsinə məhdudiyyət qoyulmasını və ya alternativ yol müəyyən edilməsini tələb edirlər. Bundan əlavə, sakinlər bərbad vəziyyətdə olan kənd yolunun əsaslı şəkildə təmir edilməsini və ya asfaltlanmasını istəyirlər.

www.24news.ge

Zol-Güvəc sakinləri təhlükə ilə üz-üzədirlər: Təcili tədbirlərin görülməsini tələb edirlər (VİDEO)

Digər xəbərlər