ABŞ-ın müharibə katibinin köməkçisinin müavini Gürcüstanda səfərdədir (FOTO)

Gürcüstan Müdafiə Nazirliyində ABŞ müharibə katibinin köməkçisinin müavini Endryu Lumis qəbul edilib. 24News.ge xəbər verir ki, ABŞ rəsmisi Gürcüstanın Baş nazirinin müavini, müdafiə naziri İrakli Çikovan ilə görüş keçirib. Görüş zamanı Gürcüstan və ABŞ arasında müdafiə sahəsində mövcud əməkdaşlıq və gələcək perspektivlər müzakirə olunub. Tərəflər həmçinin regionda mövcud təhlükəsizlik vəziyyəti və çağırışlar, gürcü və amerikalı hərbçilərin beynəlxalq missiyalarda uzun illər ərzində birgə iştirakı, Gürcüstan-ABŞ birgə hərbi təlimləri və digər proqramlar barədə fikir mübadiləsi aparıblar. Səfər çərçivəsində Endryu Lumis müdafiə nazirinin birinci müavini Paata Patiaşvili və Müdafiə Qüvvələri komandanının müavini, general-mayor İrakli Çiçinadze ilə də görüşüb. Gürcüstan Müdafiə Nazirliyinin rəhbər şəxsləri Endryu Lumis və nümayəndə heyətinə səfərə görə təşəkkür edib, müdafiə sahəsində ikitərəfli əlaqələrin gücləndirilməsi baxımından səfərin əhəmiyyətini vurğulayıblar.

www.24news.ge

ABŞ-ın müharibə katibinin köməkçisinin müavini Gürcüstanda səfərdədir (FOTO)

Digər xəbərlər