Gürcüstanın 21 yaşadək futbolçulardan ibarət millisi Maltanı darmadağın etdi (VİDEO)

Gürcüstanın 21 yaşadək futbolçulardan ibarət milli komandası Avro-2027-nin seçmə mərhələsində növbəti qələbəsini qazanıb. 24News.ge xəbər verir ki, Ramaz Svanadzenin komandası Malta ilə səfər matçında 5:0 hesablı inamlı qələbəyə imza atıb. Oyunun taleyi daha ilk hissədə həll olunub. Gürcülər oyuna fəal başlayaraq 37-ci dəqiqədə Xarebaşvilinin, 44-cü dəqiqədə isə Dadianinin qolları ilə fasiləyə iki top üstünlüklə yollanıblar. İkinci hissədə də üstünlüyü əldən verməyən Gürcüstan millisi 68-ci dəqiqədə Giorgi Tabatadzenin, 71-ci dəqiqədə isə Narimanidzenin başla vurduğu qolla hesabı 4:0-a çatdırıb. Matçda son nöqtəni isə Basiladze qoyub – 5:0. Bu nəticədən sonra Gürcüstan U-21 yığması altı komandadan ibarət qrupda 5 xalla üçüncü yerdə qərarlaşıb. Turnir cədvəlinin lideri 9 xalla Yunanıstan, ikinci pillədə isə 6 xalla Almaniyadır. Qeyd edək ki, Avropa çempionatının final mərhələsinə yalnız qrup liderləri birbaşa vəsiqə qazanacaq. İkinci yeri tutan komandalar arasında ən yaxşısı da avtomatik vəsiqə əldə edəcək, digərləri isə pley-off mərhələsində mübarizə aparacaq. Gürcüstan növbəti oyunlarını noyabr ayında Yunanıstan və Almaniya millilərinə qarşı keçirəcək.

www.24news.ge

Gürcüstanın 21 yaşadək futbolçulardan ibarət millisi Maltanı darmadağın etdi (VİDEO)

Digər xəbərlər