Microsoft Windows 10 üçün dəstəyi dayandırdı

Microsoft bu gündən etibarən Windows 10 əməliyyat sistemi üçün təhlükəsizlik yeniləmələri və texniki dəstəyi tamamilə dayandırıb. 24News.ge xəbər verir ki, şirkət bu barədə rəsmi bloqunda məlumat yayıb. Bildirilir ki, istifadəçilər artıq Windows 10-da təhlükəsizlik yeniləmələri və yeni funksiyalar almayacaqlar. Bu da kompüterlərin rəsmi müdafiə olmadan fəaliyyət göstərməsi deməkdir. Lakin mövcud Windows 10 cihazları işləməyə davam edəcək. Şirkət əlavə edib ki, Windows 10-un 22H2 versiyasına sahib olan cihazlar Windows 11-ə pulsuz keçid edə bilərlər. Bu məqsədlə istifadəçilər cihazın uyğunluğunu "Parametrlər" bölməsindən yoxlaya bilərlər. Əgər cihaz Windows 11-i dəstəkləmirsə, Microsoft istifadəçilərə yeni bir cihaz almağı tövsiyə edir. Alternativ olaraq, istifadəçilər əlavə ödəniş qarşılığında Genişləndirilmiş Dəstək Proqramına (ESU) qoşularaq bir il müddətində təhlükəsizlik yeniləmələri almağa davam edə bilərlər.

www.24news.ge

Microsoft Windows 10 üçün dəstəyi dayandırdı

Digər xəbərlər