"Oğru aləmi" ilə əlaqəsi olan 7 nəfər saxlanılıb (VİDEO)

Hüquq-mühafizə orqanlarının əməkdaşları “Kvatiya”, “Kvertsxa” və “Qoto” ləqəbli şəxslər də daxil olmaqla, “oğru dünyası” ilə əlaqədə olmaqda ittiham edilən 7 nəfəri həbs edib. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, istintaq hərəkətləri nəticəsində İmereti Rayon Polis Şöbəsi və Qərbi Gürcüstan Rayon Prokurorluğunun əməkdaşları hakimin hökmü əsasında İmereti bölgəsində “cinayət aləminə” bağlı olan 7 nəfəri həbs ediblər. Təqsirləndirilən şəxslər öz kriminal təsir gücündən istifadə edərək Kutaisi bazarında çalışan işçiləri “Tabaxmela 2023”ə keçməyə məcbur ediblər. Bunun nəticəsində Kutaisidəki bazarın fəaliyyəti dayanıb və “Tabaxmela 2023” bazarı böyük gəlir əldə edib. Nəticədə, “Ani” bazarına yüz minlərlə larilik maddi ziyan dəyib. Polis tərəfindən saxlanılan şəxslərin şəxsi və yaşayış yerlərində axtarış aparılıb. İstintaq üçün əhəmiyyətli olan kompüter avadanlıqları və mobil telefonlar aşkar edilərək maddi sübut kimi götürülüb. Məlum olub ki, şübhəlilər bu texnologiyalar vasitəsilə bir-biri ilə və xaricdə yaşayan “qanuni oğru”larla əlaqə saxlayıblar. Faktla bağlı Cinayət Məcəlləsinin 223-cü maddəsinin birinci hissəsi, 223-cü maddəsinin ikinci hissəsi və 223-cü maddəsinin ikinci hissəsi ilə İstintaq başladılıb. Saxlanılan şəxsləri 15 ilə qədər həbs cəzası gözləyir.

www.24news.ge

"Oğru aləmi" ilə əlaqəsi olan 7 nəfər saxlanılıb (VİDEO)

Digər xəbərlər