Peşə təhsili müəssisələrinə qeydiyyat sentyabrın 21-dən başlayacaq

Gürcüstanda peşə təhsili müəssisələrinə qəbul üçün qeydiyyat 21 sentyabrdan başlayacaq. 24News.ge xəbər verir ki, bu barədə Təhsil Nazirliyindən bildirilib. Məlumata görə, müsabiqədə vahid milli imtahanların nəticələri əsasında ali məktəblərə qəbul ola bilməyən abituriyentlər də iştirak edə biləcəklər. Həmçinin müvafiq peşə proqramını seçimlərinə daxil etmədikləri üçün peşə təhsili müəssisələrinə qəbul ola bilməyən şəxslər də sentyabrın 21-dən qeydiyyatdan keçə biləcəklər. Nazirlikdən bildirilib ki, V səviyyəli peşə proqramlarına qəbul üçün Milli Qiymətləndirmə və İmtahan Mərkəzinin (NAEC) testindən keçmək tələb olunacaq. III və IV səviyyəli proqramlar üzrə isə seçim təhsil müəssisələrinin özləri tərəfindən aparılacaq. Bu il istisna hal olaraq vahid milli imtahanlar çərçivəsində bir fənn üzrə imtahan verərək peşə proqramına qəbul olmaq imkanı yaradılmışdı. Əgər abituriyent tələb olunan baryeri keçib, lakin peşə proqramını seçməyibsə və peşə təhsilindən kənarda qalıbsa, sentyabrın 21-dən etibarən peşə proqramlarına qəbul qaydalarına uyğun standart qeydiyyata başlayacağıq. V səviyyəli proqramlar üçün NAEC-in testindən keçmək tələb olunur, III və IV səviyyəli proqramlar üzrə isə təhsil müəssisələrinin daxili seçimi həyata keçiriləcək. Bu şəxslər sentyabrın 21-dən VET.GE-də elan olunacaq qeydiyyatı izləyə, istədikləri proqramı seçə və qeydiyyatdan keçə biləcəklər. Qeyd edək ki, 2026-cı ildə vahid milli imtahanların nəticələri əsasında 3 141 abituriyent peşə təhsili proqramlarında təhsil almaq hüququ qazanıb. Onlardan 1 322 nəfər dövlət, 1 819 nəfər isə özəl peşə təhsili müəssisələrinə qəbul olunub.

www.24news.ge

Peşə təhsili müəssisələrinə qeydiyyat sentyabrın 21-dən başlayacaq

Digər xəbərlər