Ekspertlər Gürcüstanda yanacağın qiymətinin yenidən artacağını proqnozlaşdırırlar

Ölkədə son bir ayda benzinin qiyməti 25-30 tetri bahalaşıb. Yaxın gələcəkdə yanacağın qiyməti Rusiyadakı mövcud vəziyyətdən asılı olaraq 10 tetri yenidən bahalaşa bilər. 24News.ge xəbər verir ki, bu barədə Neft Məhsulları İdxalçıları İttifaqı"nın sədri Vaxtanq İobaşvili mətbuata verdiyi açıqlamasında bildirib. Onun sözlərinə görə, Gürcüstanda yanacağın qiymət artımı proqnozlaşdırılsa da dünya bazarlarında hansı vəziyyətin olacağını ehtimal etmək çətindir: “Pərakəndə bazarın bəzi şəbəkələrində qiymət artımının bir səbəbi var ki, bu da Avropa ölkələrindən, xüsusən Finlandiya və Bolqarıstandan gətirdiyimiz yanacağın bizə daha baha başa gəlməsidir. Daha ucuz olduğu üçün biz yanacağı Rusiyadan idxal edirdik və siz də bilirsiniz ki, biznes məhsulu harada ucuz olarsa, oradan alınır. Hazırda yanacağın bahalaşmasının səbəbi Rusiyadan tədarükdə yaranan problemdir. Sabah vəziyyətin nə olacağını heç kim müəyyən edə bilməz, hesab edirəm ki, yanacağın qiymətinin artma ehtimalı hələ də qüvvədədir", - deyə İobaşvili vurğulayıb.

www.24news.ge

Ekspertlər Gürcüstanda yanacağın qiymətinin yenidən artacağını proqnozlaşdırırlar

Digər xəbərlər