Əbu-Dabidə Rusiya, ABŞ və Ukrayna nümayəndələri arasında danışıqlar qapalı keçiriləcək

Əbu-Dabidə Rusiya, ABŞ və Ukrayna nümayəndələri arasında keçiriləcək üçtərəfli danışıqlar jurnalistlərin iştirakı olmadan, qapalı qapılar arxasında baş tutacaq. 24News.ge xəbər verir ki, bu barədə Rusiya mediası danışıqlara hazırlıq prosesi ilə tanış olan mənbəyə istinadən məlumat yayıb. Qeyd edək ki, Rusiya, ABŞ və Ukrayna arasında üçtərəfli danışıqlar bu gün və sabah Əbu-Dabidə keçiriləcək. Rusiya nümayəndə heyətinə prezidentin köməkçisi Vladimir Medinski rəhbərlik edəcək. Heyətə həmçinin xarici işlər nazirinin müavinləri Sergey Ryabkov və Mixail Qaluzin, Rusiya Silahlı Qüvvələri Baş Qərargahının Baş İdarəsinin rəisi İqor Kostyukov və Baş Qərargahın Baş Əməliyyat İdarəsi rəisinin müavini Yuri Jiqarlovski daxildir. Ukrayna nümayəndə heyətinə Xarici Kəşfiyyat Xidmətinin rəhbəri Rustem Umerov başçılıq edəcək. Heyətdə prezident ofisinin rəhbəri Kirill Budanov, “Xalqın xidmətçisi” parlament fraksiyasının rəhbəri David Araxamiya, prezident ofisi rəhbərinin müavini Sergey Kislitsa və Müdafiə Nazirliyinin Baş Kəşfiyyat İdarəsi rəhbərinin müavini Vadim Skibitski də yer alıb. ABŞ-ı isə danışıqlarda prezidentin nümayəndələri Stiv Uitkoff və Cared Kuşner təmsil edəcəklər.

www.24news.ge

Əbu-Dabidə Rusiya, ABŞ və Ukrayna nümayəndələri arasında danışıqlar qapalı keçiriləcək

Digər xəbərlər