Haqqımızda Reklam
21 
Nybr
2026
19:07
5
1
363

Həbsdə olan şəxsi azadlığa çıxarmaq vədi ilə 270 min lari mənimsəyən 2 nəfər saxlanılıb

Həbsdə olan şəxsin valideynlərini oğullarını azadlığa çıxaracaqları vədi ilə aldadaraq 270 min lari mənimsəyən 2 nəfər saxlanılıb, daha bir nəfərə isə qiyabi ittiham irəli sürülüb. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, təqsirləndirilən şəxslər cinayət işi üzrə həbs edilmiş şəxsin valideynini aldadaraq, nüfuzlu tanışları vasitəsilə onun övladının prosessual razılaşma əsasında həbsdən azad edilməsinə kömək edə biləcəklərinə inandırıblar. Bu vəd qarşılığında onlar zərərçəkmiş şəxsdən 270 000 lari alaraq mənimsəyiblər. Hüquq-mühafizə orqanlarının əməkdaşları iki nəfəri məhkəmə qərarı əsasında saxlayıb, daha bir nəfərə isə qiyabi qaydada ittiham irəli sürülüb. Faktla bağlı Cinayət Məcəlləsinin 180-ci maddəsinin 2-ci və 3-cü hissələri üzrə istintaq aparılır. Sözügedən maddələr 9 ilədək azadlıqdan məhrumetmə cəzasını nəzərdə tutur.

www.24news.ge