Haqqımızda Reklam
21 
Nybr
2026
10:01
3
7
98

Tramp: "ABŞ, Rusiya və Çin nüvə silahlarının azaldılmasını müzakirə etməlidir"

ABŞ Prezidenti Donald Tramp ABŞ, Rusiya və Çinin nüvə silahı arsenalının azaldılması imkanlarını müzakirə etməli olduğunu bildirib. 24News.ge xəbər verir ki, Tramp bu barədə Ağ Evdə keçirdiyi mətbuat konfransında danışıb. Onun sözlərinə görə, dünyanın aparıcı nüvə dövlətləri olan bu üç ölkənin beynəlxalq təhlükəsizliyin təmin olunmasında xüsusi məsuliyyəti var: “Nüvə potensialının 92 faizi bu üç ölkənin payına düşür. Bu məsələ ilə də məşğul olmalıyıq”, – deyə Tramp bildirib. ABŞ Prezidenti nüvə silahlarının azaldılmasının zəruri olduğunu vurğulayıb. Tramp həmçinin Rusiya Prezidenti Vladimir Putinlə Ukrayna müharibəsinin başa çatdırılması məsələsini müzakirə etdiyini bildirib. Onun sözlərinə görə, Putinlə görüş zamanı Rusiya-Ukrayna müharibəsinin diplomatik yolla başa çatdırılmasına dair istəyini ifadə edib. Tramp qeyd edib ki, Ukrayna Prezidenti Volodimir Zelenski ilə Vladimir Putin arasında ciddi qarşılıqlı düşmənçilik mövcuddur və bu, müharibənin başa çatdırılmasını çətinləşdirir: “Problem ondadır ki, Prezident Zelenski və Prezident Putin bir-birlərinə qarşı inanılmaz dərəcədə nifrət edirlər və bu, heç vaxt asan olmur. Mən düşünürdüm ki, bu müharibəni başa çatdırmaq ən asan iş olacaq, lakin görünür, burada nadir hallarda rast gəlinən səviyyədə düşmənçilik var. Bununla belə, yaxşı danışıqlar aparırıq və müsbət nəticə əldə etmək üçün yaxşı imkanlar mövcuddur. Hər ay 25 min hərbçi, əsasən də əsgərlər həlak olur. Bu, mənasız müharibədir. ABŞ-da seçkilər saxtalaşdırılmasaydı, bu müharibə baş verməzdi. Putin ötən gecə bunu bildirdi. Mən ondan soruşdum ki, əgər həmin vaxt ABŞ Prezidenti mən olsaydım, Ukraynaya müdaxilə edərdimi? O isə cavab verdi ki, xeyr, bu, heç vaxt baş verməzdi”, – deyə Tramp bildirib.

www.24news.ge