Haqqımızda Reklam
21 
Nybr
2026
19:20
8
9
538

Türkiyədə 7 müxalifət partiyasının iştirakı ilə “Abxaziya ilə dostluq qrupu” yaradılıb

Türkiyənin paytaxtı Ankarada 7 müxalifət partiyasının nümayəndələrinin iştirakı ilə “Abxaziya ilə dostluq qrupu” adlı təşəbbüs yaradılıb. Qrupun iştirakçıları Türkiyə hakimiyyətindən Rusiyanın işğalı altında olan Abxaziyada verilmiş qondarma pasportların tanınmasını, eləcə də regionla birbaşa dəniz və hava əlaqələrinin qurulmasını tələb edirlər. 24News.ge xəbər verir ki, təşəbbüs noyabrın 17-də Türkiyənin müxalifətçi siyasətçiləri və Suxuminin de-fakto hakimiyyət nümayəndələrinin iştirakı ilə keçirilən görüşdə elan olunub. Məlumata görə, təşəbbüsü dəstəkləyən dairələrdə işğal olunmuş Abxaziyanın qondarma müstəqilliyinin tanınması məsələsi də müzakirə olunub. Lakin bu tələb qrupun rəsmi şəkildə açıqladığı əsas tələblər sırasında yer almır. Qeyd edək ki, Türkiyənin bu məsələ ilə bağlı rəsmi mövqeyi dəyişməz olaraq qalır. Ankara Abxaziyanı müstəqil dövlət kimi tanımır və Gürcüstanın ərazi bütövlüyünü dəstəkləyir.

www.24news.ge