Marneulidə ət mağazasında gənc oğlanı bıçaqlayan qadın saxlanılıb (VİDEO)

Kvemo Kartli Polis Departamentinin Marneuli Rayon İdarəsinin əməkdaşları sağlamlığa qəsdən ağır zərər vurmaqda ittiham olunan bir nəfəri saxlayıblar. 24News.ge xəbər verir ki, Daxili İşlər Nazirliyinin məlumatına əsasən, istintaqla müəyyən edilib ki, təqsirləndirilən şəxs Marneuli bələdiyyəsində yerləşən mağazalardan birində yaranmış mübahisə zamanı soyuq silahdan istifadə edərək bir kişiyə ağır xəsarət yetirib, daha sonra hadisə yerindən qaçıb. Yaralıya müvafiq tibbi yardım göstərilməsi üçün o, klinikaya yerləşdirilib. Hüquq-mühafizə orqanlarının əməkdaşları həyata keçirilən əməliyyat tədbirləri və istintaq hərəkətləri nəticəsində hadisədə şübhəli bilinən şəxsi isti izlərlə saxlayıblar. Cinayətin törədilməsində istifadə edilən bıçaq maddi sübut kimi götürülüb. Faktla bağlı Cinayət Məcəlləsinin 117-ci maddəsi ilə istintaq aparılır. Həmin maddə 7 ilədək azadlıqdan məhrumetmə cəzasını nəzərdə tutur.

www.24news.ge

Marneulidə ət mağazasında gənc oğlanı bıçaqlayan qadın saxlanılıb (VİDEO)

Digər xəbərlər