Gənclər arasında mübahisə bıçaqlanma ilə nəticələnib – 3 nəfər saxlanılıb

Tbilisidə iki nəfəri qəsdən ağır yaralamaqda və qrup halında zorakılıq törətməkdə ittiham olunan 3 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqla müəyyən edilib ki, Tbilisidə bir neçə nəfər arasında başlayan mübahisə fiziki qarşıdurmaya çevrilib. Bu zaman təqsirləndirilən şəxslərdən biri soyuq silahdan istifadə edərək münaqişə iştirakçısı olan iki nəfəri yaralayıb və hadisə yerindən qaçıb. Yaralılar tibbi yardım göstərilməsi üçün klinikaya yerləşdiriliblər. Hüquq-mühafizə orqanlarının keçirdiyi əməliyyat-axtarış tədbirləri və istintaq hərəkətləri nəticəsində yaralamaqda şübhəli bilinən şəxs hadisədən dərhal sonra saxlanılıb. Qarşıdurmada iştirak edən daha iki nəfər isə qrup halında zorakılıq törətməkdə ittiham olunaraq həbs edilib. Faktla bağlı Cinayət Məcəlləsinin 117-ci və 126-cı maddələri ilə istintaq aparılır. Həmin maddələr 13 ilədək azadlıqdan məhrumetmə cəzasını nəzərdə tutur.

www.24news.ge

Gənclər arasında mübahisə bıçaqlanma ilə nəticələnib – 3 nəfər saxlanılıb

Digər xəbərlər