Fransada binalar və avtomobillər yandırılıb, mağazalar qarət edilib – 1200-dən çox insan saxlanılıb (FOTO)

Fransada keçirilən etiraz aksiyaları zamanı nümayişçilərlə hüquq-mühafizə orqanlarının əməkdaşları arasında toqquşmalar baş verib. Hadisələr zamanı azı 1200 nəfər saxlanılıb, küçələrə isə təxminən 550 min insan çıxıb. 24News.ge xəbər verir ki, bu barədə BBC məlumat yayıb. Fransa hökuməti baş verənləri “zorakılığın eskalasiyası” kimi qiymətləndirib. Media məlumatlarına görə, Parisdə polis xüsusi təyinatlıları ilə nümayişçilər arasında ciddi qarşıdurma yaşanıb. Polis etirazçılara qarşı gözyaşardıcı qazdan və su şırnaqlarından istifadə edib. Paytaxtda və digər şəhərlərdə binalara od vurulub. Limoges şəhərində meriyanın binasında baş verən yanğın nəticəsində damın bir hissəsi uçub. Qərb mediasının məlumatına görə, bir neçə şəhərdə qarət hadisələri qeydə alınıb. Həmçinin meriya binaları və ticarət obyektlərinin vandalizmə məruz qaldığı bildirilir. Gün ərzində küçələrdə yanğınlar törədilib, nəqliyyat vasitələri yandırılıb və mağazalar dağıdılıb. Fransanın Baş naziri Sebastyen Lekornu iğtişaşlar nəticəsində 150 polis əməkdaşının yaralandığını bildirib. Lion şəhərinin meri Qreqori Douset turizm ofisinin yandırılmasını “faciə” adlandırıb. O, BFMTV telekanalına açıqlamasında deyib: “Bu, bizi dərindən kədərləndirir, çünki söhbət çox mühüm və tanınmış tarixi binadan gedir”. Yerli polis orqanlarının məlumatına görə, “aqressiv davranan şəxslər” yanğınsöndürənlərin alovu təhlükəsiz şəkildə söndürməsinə mane olublar. Gənclərdən ibarət bir qrup isə BBC-yə açıqlamasında özlərini “pasifist” adlandıraraq, dəyişikliklərə nail olmağa çalışdıqlarını, lakin heç nəyin dəyişmədiyini bildiriblər. “Biz sadəcə nəyisə dəyişməyə çalışırıq, amma heç nə dəyişmir”, – deyə onlar qeyd ediblər.

www.24news.ge

Fransada binalar və avtomobillər yandırılıb, mağazalar qarət edilib – 1200-dən çox insan saxlanılıb (FOTO)

Digər xəbərlər