Qırıxlı sakinləri kənddə daş karxanasının açılmasına etiraz edirlər (VİDEO)

Marneuli bələdiyyəsinin Qırıxlı kənd sakinləri kəndin otlaq sahələrinin satıldığını və ərazidə yeni daş karxanasının fəaliyyətə başlayacağını bildirirlər. 24News.ge xəbər portalına müsahibə verən kənd sakinlərinin sözlərinə görə, şirkət nümayəndələri onlara ərazidə qazıntı işlərinin aparılması üçün beşillik müqavilə bağladıqlarını bildiriblər. Sakinlər isə karxananın fəaliyyətə başlamasının otlaq sahələrinin məhv olmasına, kənd təsərrüfatında istifadə etdikləri su mənbələrinin qurumasına və Debet çayının kənd ərazisini yuyaraq torpaqlara zərər vurmasına səbəb ola biləcəyini deyirlər. Sakinlərin sözlərinə görə, kəndin ətrafında fəaliyyət göstərən digər daş karxanaları da uzun illərdir ərazidə qazıntı işləri aparır və nəticədə kəndin torpaqları ciddi şəkildə zədələnir. Onlar yeni karxananın isə artıq kəndin yaşayış ərazisinə qədər yaxınlaşdığını bildirirlər. Qırıxlı sakinləri yaranmış vəziyyətlə bağlı rayon rəhbərliyini təcili tədbirlər görməyə, kəndin otlaq sahələrinin, su ehtiyatlarının və əhalinin kənd təsərrüfatı ilə məşğul olmaq imkanlarının qorunması üçün məsələyə müdaxilə etməyə çağırırlar. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Qırıxlı sakinləri kənddə daş karxanasının açılmasına etiraz edirlər (VİDEO)

Digər xəbərlər