Yanvar ayından maaşlar 8,4% artırılır – Ən çox prezident, nazirlər və deputatların maaşı yüksələcək

Gürcüstanın 2027-ci il dövlət büdcəsi layihəsinə əsasən, əməkhaqqı fondu 395 milyon lari artırılacaq. 24News.ge xəbər verir ki, layihənin izahat qeydində bildirilir ki, qanunvericiliyə əsasən, özəl sektorda son 4 rüb ərzində əməkhaqlarının artımı nəzərə alınaraq, 2027-ci ildən baza vəzifə maaşı 8,4% artırılaraq 1 735 lari olacaq. Müqayisə üçün, 2026-cı ildə baza vəzifə maaşı 1 600 lari təşkil edir. Bunun nəticəsində dövlət sektorunda çalışanların vəzifə maaşları da 8,4% artacaq. Artım dövlət-siyasi vəzifə sahiblərinin, o cümlədən parlament sədrinin, onun müavinlərinin, komitə sədrlərinin və deputatların maaşlarına da şamil olunacaq. Prezident və Baş nazir: aylıq 17 350 lari, illik 208 200 lari; Nazir: aylıq 14 747 lari, illik 176 970 lari; Parlament sədri: aylıq 17 350 lari, illik 208 200 lari; Parlament deputatı: aylıq 13 880 lari, illik 166 560 lari. Qeyd olunan məbləğlər gəlir vergisi daxil olmaqla göstərilib. Bundan əlavə, 2027-ci ilin yanvarından təcili tibbi yardım əməkdaşlarının, kənd həkimləri və tibb bacılarının, dövlət məktəblərinin müəllim və inzibati heyətinin, uşaq bağçalarında çalışanların, inklüziv təhsil üzrə müvafiq bacarıqlara malik müəllimlərin, həmçinin hərbçi və polis əməkdaşlarının maaşlarının artırılması planlaşdırılır.

www.24news.ge

Yanvar ayından maaşlar 8,4% artırılır – Ən çox prezident, nazirlər və deputatların maaşı yüksələcək

Digər xəbərlər