Nəzərli kəndində baş verən ölüm hadisəsinin detalları məlum olub

Prokurorluq Qardabani bələdiyyəsində baş vermiş qəsdən adamöldürmə faktı ilə bağlı məlumat yayıb. 24News.ge xəbər verir ki, Prokurorluğun məlumatına görə, hadisə 4 oktyabr tarixində Qardabani bələdiyyəsinin Nəzərli kəndində baş verib. İstintaqın məlumatına görə, zərərçəkmiş şəxs (35 yaşlı Araz Yusubov) təqsirləndirilən şəxsin (Ramin Məmmədovun) yetkinlik yaşına çatmayan oğlunu şifahi şəkildə təhqir edib. Bundan qəzəblənən Ramin Məmmədov qisas məqsədilə Araz Yusubovla görüşüb və onu qəsdən öldürmək niyyətilə bıçaqla xəsarətlər yetirib. Nəticədə zərərçəkmiş hadisə yerində dünyasını dəyişib. Təqsirləndirilən şəxs hüquq-mühafizə orqanlarının əməkdaşları tərəfindən həmin gün saxlanılıb. Ona Cinayət Məcəlləsinin 108-ci maddəsi — qəsdən adamöldürmə ilə bağlı ittiham irəli sürülüb. Bu maddə 15 ilədək azadlıqdan məhrumetmə cəzasını nəzərdə tutur.

www.24news.ge

Nəzərli kəndində baş verən ölüm hadisəsinin detalları məlum olub

Digər xəbərlər