Marneulidə 13 yaşlı qızın uşaq dünyaya gətirməsi ilə bağlı istintaq başlanılıb

Marneulidə 13 yaşlı qızın əkiz uşaq dünyaya gətirməsi ilə bağlı istintaq başlanılıb. Bu barədə 24News.ge xəbər portalının sorğusuna Daxili İşlər Nazirliyindən məlumat verilib. Bildirilib ki, istintaq Cinayət Məcəlləsinin 140-cı maddəsinin 1-ci hissəsi ilə aparılır. Qeyd edək ki, Gürcüstanın Cinayət Məcəlləsinin 140-cı maddəsi 16 yaşına çatmamış şəxsin bədəninə yetkin şəxs tərəfindən cinsi xarakterli nüfuz etməni cinayət hesab edir. Maddənin hazırkı konsolidə edilmiş redaksiyası 25 iyun 2026-cı il tarixlidir. Yetkin şəxsin, qarşı tərəfin 16 yaşına çatmadığını əvvəlcədən bilərək, onun bədəninə cinsi xarakterli nüfuz etməsi — 7 ildən 9 ilədək azadlıqdan məhrumetmə ilə cəzalandırılır. Məlumat üçün bildirək ki, hüquq müdafiəçisi Samira Bayramova sosial şəbəkədə Marneulidə 13 yaşlı qızın doğum klinikasında əkiz uşaq dünyaya gətirdiyini və körpələrdən birinin vəfat etdiyini qeyd edib.

www.24news.ge

Marneulidə 13 yaşlı qızın uşaq dünyaya gətirməsi ilə bağlı istintaq başlanılıb

Digər xəbərlər