Baş nazir son günlər tez-tez keçirilən aksiyalara münasibət bildirib

Baş nazir İrakli Kobaxidze jurnalistlərə açıqlamasında son günlər tez-tez keçirilən etiraz aksiyalarına münasibət bildirib. 24News.ge xəbər verir ki, baş nazir bildirib ki, aksiya iştirakçıları uğursuzluqlarını gördükləri halda hər gün müxtəlif sayda insanla toplaşırlar. Onun sözlərinə görə, iştirakçıların sayı bəzən 20, bəzən 50, bəzən isə 150 nəfər civarında olur: “Onlar öz uğursuzluqlarını görürlər, amma buna baxmayaraq, hər gün bəzən 20, bəzən 50, bəzən də 150 nəfərlə toplaşırlar. Buna görə də bu qruplaşma, bu birlik artıq həqiqətən sekta görünüşü alıb”. Baş nazir qeyd edib ki, insanların hər hansı məqsəd olmadan, nəticə əldə etməyəcəklərini bildikləri halda hər gün toplaşması onun fikrincə, “sekta fəaliyyətinin bir formasıdır”. “Gündəlik olaraq hər hansı məqsəd olmadan ritual keçirirsənsə, heç bir nəticə əldə edə bilməyəcəyini bilirsənsə və konkret nəticəyə, məqsədə yönəlmədən bu formada toplaşırsansa, bu, həqiqətən də sekta fəaliyyətinin bir formasıdır. Buna başqa qiymət vermək mümkün deyil”, – deyə Baş nazir vurğulayıb.

www.24news.ge

Baş nazir son günlər tez-tez keçirilən aksiyalara münasibət bildirib

Digər xəbərlər