Marneulidə “Marneuloba 2026” xalq bayramı keçirilib (FOTO)

Sentyabrın 25-də Marneuli şəhərində, “Yenədə Böyüyəcəklər” abidəsinin yerləşdiyi parkda “Marneuloba 2026” xalq bayramı keçirilib. 24News.ge xəbər verir ki, tədbirdə Marneuli Munisipalitetinin meri Daur İsmayılov, Gürcüstan parlamentinin üzvü Viktor Caparidze, Azərbaycanın Gürcüstandakı fövqəladə və səlahiyyətli səfiri Faiq Quliyev, Gürcüstan dövlət nazirinin müavini Şota Rexviaşvili, Kvemo Kartli üzrə dövlət nümayəndəsi İlia Calağaniya, Marneuli və Hucabi yeparxiyasının yepiskopu Qiorqi Camdeliani, Marneuli Sakrebulosunun sədri Amiran Qiorqadze eləcə də yerli özünüidarəetmə orqanlarının nümayəndələri iştirak ediblər. Bayram tədbiri çərçivəsində müxtəlif əl işlərinin sərgi-satışı təşkil olunub. Həmçinin çənlərdə üzüm sıxılması, çörək bişirilməsi və sucuq hazırlanması üzrə ustad dərsləri keçirilib. Tədbir iştirakçıları üçün etno-kulinariya guşəsi, uşaq-əyləncə məkanı, animatorların şousu, fotosessiya və etnoqrafik məkan da təqdim olunub. Gün ərzində müxtəlif idman növləri üzrə yarışlar keçirilib. Yarışlarda qalib gələn idmançılara medallar, fəxri fərmanlar və dəyərli hədiyyələr təqdim olunub. Bayram proqramı çərçivəsində səhnədə yaradıcı kollektivlər və müğənnilər — Şaban Məmmədov, Sofo Bedia, “Kartuli Xmebi” musiqi qrupu, “Şavnabada”, DAMLA və DJ Sako çıxış ediblər. Sonda “Marneuloba 2026” xalq bayramı atəşfəşanlıqla başa çatıb.

www.24news.ge

Marneulidə “Marneuloba 2026” xalq bayramı keçirilib (FOTO)

Digər xəbərlər