İrakli Kobaxidze və Nikol Paşinyan arasında görüş baş tutub (FOTO)

Gürcüstanın Baş naziri İrakli Kobaxidze BMT Baş Assambleyasının 81-ci sessiyası çərçivəsində Ermənistanın Baş naziri Nikol Paşinyanla görüşüb. 24News.ge xəbər verir ki, Hökumət Administrasiyasının məlumatına görə, İrakli Kobaxidze erməni həmkarını Ermənistan Respublikasının müstəqilliyinin bərpasının 35-ci ildönümü münasibətilə təbrik edib, erməni xalqına sülh, sabitlik və rifah arzulayıb. Kobaxidze həmçinin Paşinyanı seçkilərdə qələbəsi münasibətilə təbrik edib və iki ölkə arasında strateji tərəfdaşlığın daha da dərinləşdirilməsinə hazır olduğunu bildirib. Görüş zamanı Gürcüstan və Ermənistan arasında müxtəlif sahələrdə uğurlu əməkdaşlıq bir daha qeyd olunub. Yüksək səviyyəli siyasi dialoqun ticarət-iqtisadi, nəqliyyat, mədəniyyət və xalqlar arasında əlaqələr baxımından konkret nəticələrə çevrildiyi vurğulanıb. Tərəflər regionda mövcud vəziyyəti də müzakirə edib və Cənubi Qafqazda sülh və sabitliyə maksimum töhfə verməyə hazır olduqlarını təsdiqləyiblər. Görüşdə Gürcüstanın Baş nazirinin müavini, xarici işlər naziri Maka Boçorişvili, Hökumət Administrasiyasının rəhbəri Levan Jorjoliani və Gürcüstanın BMT yanında daimi nümayəndəsi David Bakradze iştirak ediblər. İrakli Kobaxidze görüşlə bağlı “X” sosial şəbəkəsində də paylaşım edərək yazıb: “New-Yorkda Ermənistanın Baş naziri Nikol Paşinyanla görüşmək imkanım oldu. Görüşdə Gürcüstan-Ermənistan münasibətlərini və regionda gedən prosesləri müzakirə etdik və regionda sülhün, sabitliyin və rifahın təmin olunmasına dair ümumi öhdəliyimizi bir daha təsdiqlədik”.

www.24news.ge

İrakli Kobaxidze və Nikol Paşinyan arasında görüş baş tutub (FOTO)

Digər xəbərlər