60 ildən sonra Çin prezidenti ABŞ-da “Endryus” hərbi bazasında qarşılanıb

Çin Prezidenti Si Cinpin rəsmi səfərlə ABŞ-a gedib. 24News.ge xəbər verir ki, 1962-ci ildən sonra ilk dəfədir ki, ABŞ prezidenti xarici ölkə liderini “Endryus” hərbi bazasında şəxsən qarşılayıb. Çin Prezidenti səfəri ilə bağlı açıqlamasında ABŞ və Çin arasında münasibətlərə toxunaraq bildirib: “Çin və ABŞ rəqib deyil, tərəfdaş olmalıdır”. Məlumata görə, Si Cinpinin ABŞ-a səfəri çərçivəsində qapalı görüşlər, dövlət naharı və bir sıra mühüm məsələlərlə bağlı danışıqlar nəzərdə tutulur. Görüşlərdə süni intellekt, İran müharibəsi və Tayvan məsələsi, həmçinin iki ölkə arasında ticarət atəşkəsinin müddətinin uzadılması kimi mövzuların müzakirə ediləcəyi gözlənilir. ABŞ Prezidenti Donald Tramp ABŞ-yə səfər edən Çin Prezidenti Si Cinpini Vaşinqton yaxınlığındakı Endryus hərbi bazasında təyyarənin pilləkənlərində qarşılayıb və görüş zamanlı maraqlı anlar yaşanıb. Məlumata görə, təyyarənin qarşısına qırmızı xalça sərilib və ətrafı boyunca parad geyimində ABŞ hərbçiləri düzülüblər. Tramp və Si Cinpin əl sıxışıblar və bir neçə dəqiqə söhbət ediblər. Hərbi orkestr Çin və ABŞ himnlərini səsləndirib, artilleriya yaylım atəşi açılıb. "B-1" bombardmançı təyyarələri də daxil olmaqla, ABŞ hərbi təyyarələri aviabazanın üzərindən uçub. ABŞ Prezidenti və birinci xanım Melaniya Tramp Si Cinpini və həyat yoldaşı Pen Liyuanı avtomobilə qədər müşayiət ediblər, daha sonra onlar aviabazasından helikopterlə ayrılıblar. Qeyd edək ki, ABŞ Prezidenti Donald Tramp rusiyalı həmkarı Vladimir Putinin 2025-ci ilin avqust səfəri zamanı qarşılanma mərasimində "B-2" bombardmançı təyyarələrinin uçuşu ilə güc nümayişi etdirmişdi.

www.24news.ge

60 ildən sonra Çin prezidenti ABŞ-da “Endryus” hərbi bazasında qarşılanıb

Digər xəbərlər