უცხო ქვეყნის მოქალაქეების მასობრივი დეპორტაცია საქართველოდან გრძელდება (ვიდეო)

საქართველოს შინაგან საქმეთა სამინისტროს მიგრაციის დეპარტამენტის თანამშრომლებმა ბოლო დღეების განმავლობაში საქართველოდან 93 უცხო ქვეყნის მოქალაქე გააძევეს. 24News.ge-ის ინფორმაციით, ამის შესახებ შინაგან საქმეთა სამინისტრომ განაცხადა. აღინიშნა, რომ დეპორტაციის ღონისძიებები სამინისტროს შესაბამის განყოფილებებთან მჭიდრო კოორდინაციის პირობებში განხორციელდა. მიღებული ინფორმაციის თანახმად, ქვეყნიდან გაძევებული პირები არიან ინდოეთის, იორდანიის, რუსეთის, კუბის, თურქმენეთის, აზერბაიჯანის, ერაყის, თურქეთის, კამერუნის, ნიგერიის, ბანგლადეშის, ბენინის, ეთიოპიის, ეგვიპტის, იამაიკის, სუდანის, ალჟირისა და სხვა ქვეყნების მოქალაქეები. გამოძიების დროს დადგინდა, რომ დაკავებული პირები საქართველოში კანონიერი საფუძვლის გარეშე იმყოფებოდნენ, „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონის შესაბამისად. სამინისტროს განცხადებით, მოქმედი კანონმდებლობის საფუძველზე, აღნიშნულ პირებს საქართველოში შესვლა აეკრძალათ.

www.24news.ge

უცხო ქვეყნის მოქალაქეების მასობრივი დეპორტაცია საქართველოდან გრძელდება (ვიდეო)

სხვა სიახლეები