სახალხო დამცველი დღეს ირაკლი ღარიბაშვილს შეხვდება

საქართველოს სახალხო დამცველი ლევან იოსელიანი ყოფილ პრემიერ-მინისტრ ირაკლი ღარიბაშვილს შეხვდება. 24News.ge-ს ცნობით, სახალხო დამცველი სასჯელაღსრულების დაწესებულებაში შესვლას დღეს გეგმავს. ირაკლი ღარიბაშვილთან შეხვედრის შემდეგ ლევან იოსელიანი მედიასთან კომენტარს გააკეთებს. შეგახსენებთ, რომ ირაკლი ღარიბაშვილის ადვოკატმა ლილი გელაშვილმა რამდენიმე დღის წინ სახალხო დამცველს მოუწოდა, ირაკლი ღარიბაშვილთან შესულიყო. ადვოკატის თქმით, ირაკლი ღარიბაშვილის უფლებები ირღვევა და ეს სახალხო დამცველმა უნდა შეამოწმოს. „26 აგვისტოს ხანგრძლივი პაემანი იყო ჩანიშნული. მას სამი თვის განმავლობაში უნახავი შვილები უნდა ეხილა და ეს პაემანი გაუქმდა. ჩანიშნული პაემნის გაუქმება როგორ არის სიცრუე, ამის შემოწმება რთული არ არის“, - განაცხადა ადვოკატმა.

www.24news.ge

სახალხო დამცველი დღეს ირაკლი ღარიბაშვილს შეხვდება

სხვა სიახლეები