Tbilisi və Qardabani ərazisində 3,4 milyard dollarlıq layihə – 6 500-dən çox yaşayış evi tikiləcək

“Eagle Hills Georgia” MMC Tbilisi şəhəri və Qardabani bələdiyyəsinin ərazisinin bir hissəsinin inkişafı üzrə plan-konsepsiyanı hazırlayaraq təqdim edib. 24News.ge xəbər verir ki, layihənin Eagle Hills tərəfindən Poniçala qəsəbəsi ətrafında, Kür çayının hər iki sahilində həyata keçirilməsi planlaşdırılır. Ətraf Mühit üzrə İnformasiya Portalında yayımlanan sənədlərə əsasən, layihənin məqsədi təbiətlə maksimum inteqrasiya olunmuş, aşağı intensivlikli və aşağı sıxlıqlı yaşayış məkanı yaratmaqdır. Layihə çərçivəsində müxtəlif təyinatlı obyektlərin, o cümlədən villaların, taunhausların, otelin, çoxmənzilli yaşayış binalarının, apartamentlərin, pərakəndə ticarət obyektlərinin, istirahət məkanlarının və digər infrastruktur obyektlərinin inşası nəzərdə tutulur. Sənəddə qeyd olunur ki, layihə ərazisində təxminən 21 500–22 100 nəfərin yaşayacağı aşağı intensivlikli fərdi yaşayış kompleksi yaradılacaq. Ümumilikdə layihənin ərazisi 633 hektar təşkil edir. Bunun 345 hektarı, yəni 55 faizi təbiət, ictimai məkanlar və ya qorunub saxlanılan meşə massivlərinə ayrılacaq. Layihəyə əsasən, 2 729 villa və taunhaus, 3 767 çoxmənzilli yaşayış evi, 29 100 kvadratmetr ticarət sahəsi tikiləcək, ərazidə 21 500–22 100 nəfərin məskunlaşması planlaşdırılır. Sənədə əsasən, ərazinin mərkəzi hissəsində ictimai və sosial obyektlərin, eləcə də aşağı intensivlikli çoxmənzilli yaşayış binalarının yerləşdirilməsi nəzərdə tutulur. “Eagle Hills”in Tbilisi layihəsinin inkişaf planına əsasən, layihəyə yatırılacaq ümumi investisiyanın təxminən 3,4 milyard ABŞ dolları olacağı gözlənilir.

www.24news.ge

Tbilisi və Qardabani ərazisində 3,4 milyard dollarlıq layihə – 6 500-dən çox yaşayış evi tikiləcək

Digər xəbərlər